Calculadora e mapa de pegada de carbono por mobilidade na UDC

O transporte causa importantes impactos no ambiente, xa sexa de forma directa (emisións, ocupación de espazos naturais por infraestruturas, incluíndo as vías de circulación e a superficie de aparcadoiro...) ou indirecta (obtención de materias primas, fabricación de vehículos, eliminación de residuos...). As emisións de gases contaminantes mostran efectos nocivos para as persoas e para o ambiente. Os gases de efecto invernadoiro son os principais causantes do cambio climático debido á actividade humana, principalmente o CO₂.

A pegada de carbono (PC) mide os recursos naturais requiridos para manter unha determinada actividade. No caso da UDC, os estudos indican que arredor do 50% da PC de toda a universidade débese aos desprazamentos de estudantes e persoal aos centros de estudo e traballo.

Esta enquisa permíteche o cálculo das emisións de CO₂ dos teus desprazamentos vinculados á UDC, e por extensión obtermos a PC da mobilidade de toda a Universidade. Ao remate entregarache un informe personalizado, mentres o dato anónimo incorporarase ao mapa da PC da UDC e permitirá calcular o seu valor medio anual.

Datos sobre o teu perfil

A túa opinión sobre algúns aspectos da mobilidade

Pegada de carbono por mobilidade na UDC

Indica as características dos desprazamentos vinculados coa túa actividade na Universidade da Coruña. Podes engadir todos os desprazamentos que necesites.

Se un desprazamento ten varias etapas con distintos medios (e.g. vas un treito en bici ata unha parada de tren, colles o tren e logo ao baixar fas outro treito en bici; ou combinas tren e bus, ou bus e andando, etc), introdúceos como desprazamentos independentes.

Aínda que os desprazamentos en bicicleta e a pé non teñen emisións de CO₂ asociadas, precisamos que tamén se introduzan, para poder extrapolar os resultados e calcular a pegada de carbono de toda a UDC. Ademais, tamén forman parte do perfil de mobilidade da UDC, e búscase potencialos no futuro para avanzar en sustentabilidade.

Pedímosche que respondas con toda sinceridade e introduzas a información máis precisa posible de todo tipo de desprazamento relacionado coa túa actividade na UDC. Os datos rexístranse como anónimos. A localización no mapa debe ser só unha aproximación ao lugar de residencia (rúa, lugar, urbanización...).

A túa posición

No seguinte paso pedirémosche a posición do teu domicilio durante o curso. Non é preciso que deas a posición exacta se non queres, podes indicar un lugar preto, sexa na mesma rúa ou na rúa do lado.

Por defecto tentaremos localizar a túa posición actual automáticamente, para o cal o teu navegador che pedirá permiso. Se prefires facelo manualmente ou a localización automática non funciona, deberás buscar manualmente a túa posición no mapa.

Se o ves necesario, aínda podes revisar as túas respostas, volvendo atrás coa frecha da parte inferior. Unha vez que esteas satisfeito coas túas respostas, confirma que aceptas a nosa política de protección de datos e preme en «Rematar» para indicar a localización do teu domicilio.

Tamén podes opcionalmente aportarnos calquera comentario sobre a movilidade na UDC ou o noso proxecto que consideres oportuno no seguinte recadro: