| Dato | Media galega | |
|---|---|---|
| Porcentaxe de enerxía en forma de electricidade | % | % |
| Porcentaxe de enerxía procedente de fontes renovables | % | 83%* |
| Porcentaxe da enerxía eléctrica autoxerada | % | Non dispoñible |
Hai moitos tipos de auditorías enerxéticas, como pode ser a que se realiza por un técnico competente para o proceso de certificación enerxética. Aquí referímonos a unha revisión do consumo co obxectivo de determinar as opcións e o potencial de redución, e elaborar un programa de aforro de enerxía. Esta revisión mesmo pode facer a persoa usuaria, por si soa ou con algún tipo de axuda externa, como a facilitada por programas como o de Fogares Verdes ou mesmo pola Oficina de Medio Ambiente da UDC.
Máis info:
Un Certificado de cualificación enerxética é un documento oficial en que se indica a eficiencia enerxética do edificio, asignándolle unha clase ou valor concreto (letras desde G, menor eficiencia, maior consumo de enerxía, a A: maior eficiencia).
O consumo pode variar dun mes a outro, e sobre todo do verán ao inverno. Por iso recomendamos facer uso do consumo medio anual, sempre que ese dato reflicta a situación correcta.
Que facer se só se dispón do consumo durante un corto período de tempo, por exemplo uns meses? Podes proceder da seguinte forma: calcula o valor medio durante ese período, divides o resultado polo número de meses do período e multiplicas por 12. Ese será o dato corrixido, pero aproximado, do consumo anual.
O factor de emisión de CO₂ depende da orixe da enerxía eléctrica, atribuíndolle cero ás de tipo 100% renovable, e pode subir até 1 cando se obtén exclusivamente de combustíbeis fósiles, como o carbón. A produción total no Estado español mostra un factor de emisión que varia entre 0,20 e 0,30 aproximadamente, segundo o ano. En 2019, o 37% procedeu de fontes renovables, o 22% foi de orixe nuclear, e o restante 41% de fontes fósiles.
Así, podemos atopar empresas comercializadoras de enerxía 100% renovable, como Nosa Enerxía Sociedade Cooperativa Galega, e outras que venden maiormente enerxía de orixe fósil ou nuclear. Estas presentarán un factor de emisión mesmo superior ao da media, e tamén un factor de xeración de residuos nucleares de alta actividade. Son exemplos desta información, que tamén podemos atopar na factura, os seguintes:
NON ESQUEZAS: contratar unha enerxía 100% renovable non significa cero impactos ambientais, senón só unha menor contaminación e menores emisións que as enerxías fósiles.
A principal fonte de electricidade renovable é hoxe en dia a eólica, e os impactos ambientais e sociais dos parques eólicos son ben coñecidos en Galiza, como denunciou a Rede galega de plataformas en contra de proxectos eólicos e liñas eléctricas abusivas. Se queres saber máis, consulta estas ligazóns: