Calcula a túa pegada ecolóxica por mobilidade

O transporte causa importantes impactos no ambiente, xa sexa de forma directa (emisións, ocupación de espazos naturais por infraestruturas, incluíndo as vías de circulación e a superficie de aparcadoiros) ou indirecta (obtención de materias primas, fabricación de vehículos, eliminación de residuos...). As emisións de gases contaminantes mostran efectos nocivos para as persoas e para o medio ambiente. Os gases de efecto invernadoiro (GEI) son os principais causantes do cambio climático debido á actividade humana, principalmente o CO₂.

A pegada ecolóxica (PE) mide os recursos naturais requiridos para manter unha determinada actividade. No caso galego, actualmente precisaríamos entre dúas e tres veces os recursos do país para satisfacer o noso nivel de consumo. Un consumo que facemos a costa das xeracións futuras (xa presentes hoxe, a nosa xuventude) e aos países máis empobrecidos doutras partes do mundo.

Tanto nos nosos hábitos diarios como nos eventuais ou vacacionais temos marxe de mellora en canto á nosa pegada ecolóxica, movéndonos de modo mais sustentábel, renunciando a viaxes non necesarias e reducindo o impacto do transporte.

Para un resultado real, nesta calculadora deberás introducir todos os teus desprazamentos e os medios de transporte que utilizas, para obter así a pegada ecolóxica debida ás emisións de CO₂ asociadas e as hectáreas de terra produtiva para satisfacelas.

Ao remate faráseche entrega dun informe personalizado, mentres o dato anónimo incorporarase ao mapa da pegada ecolóxica, que tamén poderás consultar.

Parece que é a primeira vez que aportas información sobre a túa pegada ecolóxica, polo que tamén che pediremos datos sobre o teu perfil e a túa posición xeográfica (a do teu domicilio), que non ten que ser exacta, abonda con indicar un punto cercano (na túa rúa ou barrio), e que nos axudará a analizar os comportamentos da poboación nas distintas áreas.

Pegada ecolóxica por mobilidade

Indica as características dos desprazamentos que realizas de maneira consistente cunha frecuencia, como mínimo, anual.

Para cada medio de transporte diferente (bici, coche...) deberás introducir un novo desprazamento. Podes introducir tantos desprazamentos como precises.

Aínda que os desprazamentos en bicicleta e a pé non teñen emisións de CO₂ asociadas, pedímosche que tamén os introduzas, pois que aparezan animará sen dúbida a outras persoas a decidirse por estas opcións ecolóxicas.

En primeiro lugar, pedimos que nos indiques se a descrición que farás dos teus desprazamentos vai ser completa (todos ou case todos os que fas de maneira recorrente ao longo do anos) ou só para desprazamentos parciais. No primeiro caso, os datos rexistraranse como a pegada ecolóxica global da túa mobilidade, mentres no segundo non formarán parte da estatística xeral, pero seranche útiles para o obxectivo que ti teñas: